Deildarmeistarar HK stóðu undir nafni
Síðasti leikur Mikasa deildar kvenna var í dag þegar HK fór norður yfir heiðar í leik gegn KA. Leikurinn var langur 1-3 sigur gestanna sem voru þó án þjálfara síns, Zdravko Demirev.
Deildarmeistararnir hófu leikinn betur og unnu fyrstu hrinuna með minnsta mun 23-25. KA vann aðra hrinuna í leiknum 25-20 en HK tvær síðustu hrinunar, 21-25 og 19-25. Þar með fór HK í gegnum tímabilið með 1 tapaðan leik, gegn Þrótti Nes í Neskaupstað í nóvember. Þau lið mætast einmitt í undanúrslitum Bridgestonebikarsins um næstu helgi og er ljóst að hart verður barist um sæti í úrslitunum.
HK endaði Mikasadeildina með 22 stig í efsta sæti. Þróttur Nes var í öðru sæti með 18 stig og KA í því þriðja með 16 stig en norðanliðið fékk afhent bronsverðlaun eftir leikinn í dag.
Um næstu helgi verður úrslitahelgin í Bridgestonebikarnum haldin í Laugardalshöllinni. Undanúrslitaleikirnir verða á laugardeginum og úrslitin sjálf á sunnudag. Verður því nóg um að vera í höllinni um næstu helgi en þegar sú helgi er að baki hefst sjálf úrslitakeppnin um Íslandmeistaratitilinn, bæði hjá konum og körlum. Leikjaplan er að vænta í vikunni.
