Blaksambandið hefur opnað fyrir skráningu á Abler á opnum æfingabúðum sem verða í seinni hluta mars og eru þessar æfingabúðir fyrir bæði stelpur og stráka. Fyrstu æfingabúðir verða fyrir árgangana 2008-2011 (U18 og U20) og munu vera pálmasunnuhelgina 27.-29. mars næstkomandi. Þessar æfingabúðir munu eiga sér stað á höfuðborgarasvæðinu og munu vera til að byrja undirbúning fyrir næsta tímabil yngri landsliða. Skráning er á Abler, https://www.abler.io/shop/bli?program=Q2x1YlNlcnZpY2U6NTMxOTI=, og kosta búðirnar 10.000 krónur, hádegismatur fylgir ekki. Skráningu lýkur 25. mars. Áætlaðir æfingatímar og staðsetningar er eftirfarandi:
Föstudagur 27. mars
19:30 – 22:00, Fagrilundur
Laugardagur 28. mars
10:30 – 12:00, Fagrilundur
Sunnudagur 29. mars
9:00 – 12:00, Fagrilundur
15:00 – 17:00, Digranes
Það á eftir að finna staðsetningu og tíma fyrir æfingu eftirmiðdag laugardaginn 28. mars.
Beint eftir þá helgi eru aðrar æfingabúðir sem munu vera fyrir árgangana 2012-2015 (U12 og U14) sem munu eiga sér stað 30. mars – 1. apríl (mánudagur, þriðjudagur og miðvikudagur). Þessar æfingabúðir munu einnig eiga sér stað á höfuðborgarasvæðinu og er skráning á Abler, https://www.abler.io/shop/bli?program=Q2x1YlNlcnZpY2U6NTQxODA=. Þessar búðir kosta 14.000 og er innifalinn hádegismatur fyrir tvo daga (mánudag og þriðjudag). Við vonum að sem flestir geti komið alls staðar frá landinu og einnig eru þessar búðir í beinu framhaldi af vormóti U12 og U14 sem verður haldið í Keflavík dagana 27.-29. mars. Skráningu lýkur 27. mars. Allar æfingarnar munu eiga sér stað í Íþróttahúsinu að Varmá í Mosfellsbæ. Áætlaðir æfingatímar eru eftirfarandi:
Mánudagur 30. mars
10:00 – 12:00
13:30 – 15:30
Þriðjudagur 31. mars
10:00 – 12:00
13:30 – 15:30
Miðvikudagur 1. apríl
9:00 – 12:00
Vonumst til að sjá sem flesta!