Leikmannaleyfi/iðkendagjald BLÍ
Til að öðlast keppnisrétt á mótum Blaksambandsins þurfa leikmenn að ganga frá sínu leikmannaleyfi/iðkendagjaldi sjálfir. Greitt er fyrir keppnisleyfið árlega. Það er á ábyrgð leikmannsins að greiða fyrir sitt leikmannaleyfi og gildir keppnisleyfið fyrir eitt keppnistímbil í einu, frá 1. september til 15. ágúst ár hvert.
Leikmenn fæddir 2004 og síðar eru undanþegnir gjaldinu en skulu velja viðeignadi flokk á sportabler.
Ef spilað er í fleiri en einni deild skal einungis borga iðkendagjald einu sinni og velja skal hæstu deild sem spilað er með.
Gengið er frá leikmannaleyfinu í gegnum Sportabler -> https://www.sportabler.com/shop/bli
Hér má finna lista leikmanna sem hafa greitt iðkendagjald 2022-2023
Hér má finna lista leikmanna sem eru með keppnisleyfi í Úrvalsdeild 2022-2023
Reglugerð um iðkendagjald BLÍ
1. gr. Stjórn BLÍ skal innheimta iðkendagjald sem er ákveðin upphæð fyrir hvern félaga blakdeilda sem eiga aðild að íþróttabandalagi eða héraðssambandi innan vébanda ÍSÍ eða taka þátt í mótum á vegum BLÍ s.s. Íslandsmóti, bikarkeppni, haustmóti og öldungamóti.
2. gr. Upphæð iðkendagjaldsins skal ákveða á ársþingi BLÍ á oddatöluári fyrir tvö ár í senn.
3. gr. Undanþegnir gjaldinu eru þeir iðkendur sem eru 18 ára eða yngri á því ári sem keppnistímabil hefst.
4. gr. Iðkendur skulu standa skil á gjöldum sínum. Til að leikmaður teljist hafa leikheimild skal iðkandinn sjálfur hafa greitt iðkendagjaldið áður en hann er skráður á skýrslu í Íslands- og bikarmótum BLÍ annars telst hann ólöglegur.
Samþykkt á 48. ársþingi BLÍ 13. júní 2020
Skráning í mótakerfi BLÍ
Allir leikmenn í meistaraflokki sem taka þátt í Íslands- og bikarkeppni á vegum BLÍ þurfa að vera skráðir í gagnagrunn mótakerfis BLÍ svo hægt sé að skrá leikmenn á rafræna leikskýrslu. Leikmenn sem hafa nú þegar leikið á Íslandsmóti eða í bikarkeppni eru skráðir í mótakerfið.
Nýskráningar leikmanna í gagnagrunninn fara í gegnum skrifstofu sambandsins. Atriði til að hafa í huga fyrir formenn/forráðamenn liða þegar nýskráningu leikmanna eða leikmanns er óskað.
- Senda þarf inn nafnalista leikmanna á netfangið motastjori@bli.is, með eftirfarandi upplýsingum um leikmann/leikmenn:
- fullt nafn
- fyrstu sex í kennitölu
- þjóðerni
- Starfsmaður skrifstofu tekur á móti nýskráningum frá formönnum/forráðamönnum og forskráir leikmenn í gagnagruninn. Þegar því er lokið þá geta formenn/forráðamenn liða skráð nýja leikmenn á leikmannalista (Roster) síns liðs.
Leikmannasamningar BLÍ
Allir leikmenn í efstu deild verða að skrifa undir leikmannasamning til að teljast löglegir með sínu liði. Blaksamband Íslands hefur útbúið staðlaða leikmannasamninga sem félögin geta notað, hvort sem er á íslensku eða ensku.
Leikmannasamningar eru endurskoðaðir árlega, síðast í september 2022.
