Hæfileikabúðir BLÍ munu fara fram í lok ágúst, í Mosfellsbæ dagana 23.-25. ágúst og á Akureyri dagna 31. ágúst – 2. september.
Hæfileikabúðirnar eru ætlaðar fyrir leikmenn fædda 2009-2012 (U14 og U16 flokkar). Samhliða Hæfileikabúðunum fara fram Afreksbúðir fyrir leikmenn fædda 2005-2008 (árgangur U17 og U19 í NEVZA).
Búðirnar eru leiddar af Borja Gonzalez Vicente, afreksstjóra BLÍ og verða landsliðsþjálfarar og þjálfarar frá klúbbum landsins með honum báðar helgarnar.
Æfingar munu hefjast á föstudegi kl. 18:00 og klárast á sunnudegi kl. 14:30. Boðið verður upp á hádegismat fyrir alla þátttakendur og frítt í sund eftir æfingar á laugardegi.
Boðið verður upp á gistingu á Akureyri en athuga skal að mikilvægt er að senda fullorðinn fararstjóra frá félagi ef að leikmenn bóka skóalgistingu þar sem ekki er næturgæsla í skólunum.
Skráning í búðirnar fer fram á abler.io/shop/bli
