Filip Szewczyk, leikmaður nr. 11 hjá karlaliði KA, fékk að líta sitt þriðja rauða spjald á yfirstandandi leiktíð í öðrum leik úrslitakeppni BLÍ föstudaginn 12. apríl.Agareglur BLÍ segja til um refsistig vegna rauðra spjalda og hvernig leikmenn eða þjálfarar fái leikbann. Rautt spjald gefur 1 refsistig og þrjú refsistig senda leikmenn sjálfkrafa í leikbann, skv. 5. Grein c liðs.
Leikmaðurinn hefur hlotið rauð spjöld í eftirfarandi leikjum á leiktíðinni:
- 4. nóvember 2018 KA-Álftanes
- 16. febrúar 2019 KA-Afturelding
- 12. apríl 2019 KA-HK
Filip Szewczyk tekur út leikbannið í næsta leik liðsins sem er leikur þrjú í úrslitum Íslandsmótsins en sá leikur fer fram í dag, 13. apríl 2019.
