Úrslitin á SportTV

09/04/2019

Úrslit Íslandsmótsins í blaki hefjast í dag en allir leikirnir verða í beinni á Sporttv. HK og KA mætast bæði í karlaflokki og kvennaflokki en karlarnir hefja leik í kvöld.

Leikið er heimavelli HK í fyrsta leiknum hjá körlunum en sá leikur hefst kl. 19:30 í kvöld í Fagralundi. Annar leikur liðanna er svo á dagskrá á föstudag kl. 20:00 í KA heimilinu og svo sá þriðji á laugardag kl. 16:00 í KA heimilinu. 

Í kvennaflokki mætast HK og KA einnig og er byrjað á heimavelli HK en leikið er á morgun miðvikudag kl. 19:30 í Fagralundi. Annar leikur liðanna er svo á dagskrá á laugardag kl. 14:00 í KA heimilinu og svo sá þriðji á sunnudag kl. 14:00 í KA heimilinu. 

Allir leikir verða sýndir í beinni á Sporttv en þá sjónvarpsstöð má finna á rás 13 hjá Vodafone og Símanum.