Bikarmót yngri flokka – úrslit

22/02/2021

Um helgina fór fram vel heppnað bikarmót yngri flokka á Akureyri. Mótið litaðist að einhverju leyti af þeim sóttvarnarreglum sem eru við lýði þessi misserin en mótið fór fram og er það eitt og sér gleðiefni. Leikið var í KA heimilinu og Naustaskóla enda KA mótshaldari bikarmótsins í ár.

Tíu félög sendu 23 lið til þátttöku og voru hátt í 200 krakkar sem tóku þátt í fyrsta alvöru móti vetrarins fyrir þennan aldursflokk.

Úrslit í U16 kvenna
Lið HK 1 varð bikarmeistari 2021, Þróttur R. varð í öðru sæti og lið Aftureldingar og KA deildu þriðja sætinu.
Mistök voru gerð við uppsetningu mótsins sem orsakaði villu í mótakerfi sambandsins og því var ákveðið að Afturelding og KA myndu deila 3. sætinu á milli sín. Mótanefnd þykir þetta afar leitt en sanngjörn niðurstaða þar sem bæði lið fengu sama stigafjölda.

Leikin var einföld umferð milli sex liða. Fimm leikir á lið.

Lokastaða í U16 kvenna

  1. HK 1
  2. Þróttur Reykjavík
  3. Afturelding og KA
  4. Keflavík
  5. HK 2
HK 1 bikarmeistarar 2021 í U16 kvenna

Úrslit í U14 kvenna
Átta lið voru skráð til leiks og var þeim skipt upp í tvo riðla. Eftir riðlakeppni var leikið krossspil og svo um sæti. Fimm leikir á lið.
Þróttur N. varð bikarmeistari 2021, KA 1 varð í öðru sæti og Völsungur 1 lenti í 3. sæti.

Lokastaða í U14 kvenna

  1. Þróttur N.
  2. KA 1
  3. Völsungur 1
  4. HK 1
  5. KA 2
  6. Þróttur Reykjavík
  7. Völsungur 2
  8. HK 2
Þróttur N. bikarmeistari 2021 í U14 kvenna

Úrslit í U15 karla

Fimm lið voru skráð til leiks og léku einfalda umferð. Fjórir leikir á lið.
Þróttur N. varð bikarmeistari 2021, Vestri lenti í 2. sæti og HK tók 3. sætið.

Lokastaða í U15 karla

  1. Þróttur N.
  2. Vestri
  3. HK
  4. Afturelding/Þróttur R.
  5. KA
Þróttur N. bikarmeistari 2021 í U15 karla

Einnig var keppt í einum gestaflokki en um var að ræða U15 gestalið. Það voru fjögur skráð lið, Völsungur, Rimar, Keflavík og Vestri. Leikin var einföld umferð og svo úrslitaleikur milli liðanna í 1. og 2. sæti í riðlinum annars vegar og svo hinsvegar jafningjaleikur á milli liðanna sem enduðu í 3. og 4. sæti í riðlinum.

Lokastaða í U15 gestir

  1. Völsungur
  2. Keflavík
  3. Rimar
  4. Vestri

Blaksamband Íslands óskar sigurvegurum helgarinnar innilega til hamingju með bikarmeistaratitilinn.
Framtíðin er björt í blakinu.