Samskiptaráðgjafi íþrótta- og æskulýðsstarfs
Samskiptaráðgjafi

Blaðamannafundur BLÍ 21. desember 2021

Þriðjudaginn 21. desember nk. kl.12:15 fer fram blaðamannafundur á vegum Blaksambandsins í höfuðstöðvum ÍSÍ, nánar tiltekið í fundarsal E á þriðju hæð í íþróttamiðstöð ÍSÍ í Laugardal.
Share on facebook
Share on twitter
Share on linkedin

Vegna sóttvarna þá verður viðburðinum einungis opinn fjölmiðlum og þeim sem hafa nú þegar fengið boð um að mæta. Viðburðurinn verður í beinu streymi fyrir áhugasama í gegnum Facebook síðu BLÍ.

Dagskrá blaðamannafundarins:
– Undirritaður verður samningur við Errea
– Dregið í 8 liða úrslitum Kjörísbikarsins
– Uppgjör fyrri hluta tímabilsins í Úrvalsdeild karla og kvenna
– Blakfólk ársins kunngjört

Kjörísbikarinn

Eftirfarandi lið verða í pottinum þegar dregið verður í 8 liða úrslitin.

Í karlaflokki eru það Úrvalsdeildarliðin Afturelding, HK, KA, Þróttur Fjarðabyggð, Vestri, Fylkir, Þróttur Vogum og núverandi bikarmeistarar í Hamri sem eru í pottinum.

Í kvennaflokki eru það úrvarlsdeildarliðin Afturelding, Álftanes, KA, Þróttur Fjarðabyggð, Þróttur R., Völsungur og núverandi bikarmeistarar í HK sem eru í pottinum ásamt 4. deildarliði Keflavíkur.

Uppgjör fyrri hluta tímabils Úrvalsdeildar

Líkt og síðastliðin ár þá stendur BLÍ fyrir uppgjöri á liði fyrri hluta tímabilsins þar sem leikmenn og þjálfarar eru heiðraðir.
Þjálfarar og fyrirliðar liðanna í Úrvalsdeild karla og kvenna hafa kosið bestu leikmenn fyrri hlutans í rafrænni kosningu.

Undirritun samnings við Errea

Það er mikið fagnaðarefni fyrir Blaksambandið að tilkynna það hér með að Errea mun sjá um allan æfinga- og keppnisbúnað landsliðanna til næstu fjögurra ára.

Blakfólk ársins 2021

Eins og tíðkast á þessum árstíma þá kunngjörir Blaksamband Íslands hverjir það voru sem hlutu útnefninguna blakfólk ársins 2021.