U19 kvenna á Laugarvatni

30/08/2021

Blaksamband Íslands hefur í samstarfi með Small Countries Association verið að skipuleggja U19 mót kvenna á Laugarvatni sem fram fer um næstu helgi. Unglingalandsliðin í blaki hafa ekki leikið opinberan landsleik síðan í lok október 2019 og er því loksins komið að því.

Íslenska U19 landsliðið verður tilkynnt á morgun en framundan er SCA mót á Laugarvatni. Í mótið koma lið frá Gibraltar, Færeyjum og Möltu auk íslenska liðsins en leikdagar eru föstudagurinn 3. september, laugardagurinn 4. september og sunnudagurinn 5. september.

Dagskrá um helgina

Föstudagur 3. september kl. 17.00 Ísland – Gíbraltar
Föstudagur 3. september kl. 20.00 Færeyjar – Malta
Laugardagur 4. september kl. 14.00 Malta – Ísland
Laugardagur 4. september kl. 17.00 Gíbraltar – Færeyjar
Sunnudagur 5. september kl. 14.00 Malta – Gíbraltar
Sunnudagur 5. september kl. 17.00 Ísland – Færeyjar

Öllum leikjum verður streymt á netinu og munum við auglýsa það sérstaklega þegar nær dregur hvar streymið verður. Áhorfendur eru leyfðir með tilliti til sóttvarna og reglna þar um.

Við hvetjum alla sem eiga leið um Laugarvatn að kíkja á fyrstu landsleikina í tæp tvö ár en leikið verður í íþróttamiðstöðinni þar.