Uncategorized

Sjö stjórnarfundir bókaðir á starfsárinu. Eftir frækinn sigur í EM Smáþjóða kvenna í maí 2007 var liðið skráð til leiks í Evrópukeppni landsliða, mætti Makedóníu í fyrstu umferð og fóru báðir leikir fram ytra. Liðið komst ekki áfram í keppninni en var reynslunni ríkari.

Alls voru 6 fundir bókaðir á starfsárinu en þess ber að geta að efnahagshrunið varð í október 2008. Í byrjun september hafði BLÍ verið mótshaldari NEVZA móts U19 á Akureyri. Mótið tókst frábærlega og náðist að reka það nokkurnveginn á sléttu. Efnahagsleg áhrif í landinu hafði þó víðtæk áhrif á starfsemi BLÍ, sérstaklega skuldalega séð.

Alls voru 10 fundir bókaðir þetta starfsár og var landsliðsstarfið nokkuð viðburðaríkt. A landsliðin og strandblaklandsliðin fóru til Kýpur á Smáþjóðaleika, unnu bæði inniliðin til bronsverðlauna. Þá lenti karlalandsliðið í þriðja sætinu í lokamóti EM smáþjóða í Luxemborg í lok júní 2009.

Haldnir voru 6 stjórnarfundir. Á starfsárinu var uppbygging deildakeppna í fyrirrúmi áfram og lagt meira púður í Bikarkeppni BLÍ og styrktaraðila tengdum keppnum. Þá var farið með landslið í strandblaki í undankeppni fyrir Ólympíuleika til Kanarí.

Alls voru 6 fundir haldnir á starfsárinu. Landsliðin fóru á Smáþjóðaleikana í Liechtenstein í lok maí 2011 en þá fór 35 manna hópur í 4 landsliðum. ÍSÍ fagnaði 100 ára afmæli á árinu 2012.

Haldnir voru 8 stjórnarfundir á starfsárinu. BLÍ varð 40 ára gamalt 11. nóvember 2012 og var veisla haldin í íþróttamiðstöðinni í Laugardal þar sem 11 fyrrum formenn BLÍ voru titlaðir Heiðursformenn. Landsliðin tóku þátt í undankeppni HM í fyrsta sinn í maí 2013 og héldu rakleiðis á Smáþjóðaleikana í Luxemborg.

Starfsárið var viðburðaríkt að vanda en stór hluti vinnunnar fór í undirbúning fyrir EM Smáþjóða, tvo riðla sem voru í Laugardalshöll 6.-8. júní 2014. Fyrir það mót var Daniele Capriotti ráðinn landsliðsþjálfari en sú ráðning er talin hafa verið mjög góð fyrir framtíðaruppbyggingu landsliðanna. Í ágúst 2013 varð lið Íslands Norðurlandameistari í strandblaki unglinga U19

Starfsárið hófst í júní eftir að EM Smáþjóða 2014 var haldið á Íslandi en það mót var 7 liða mót beggja kynja. Mesta vinnan þetta starfsár var við undirbúning Smáþjóðaleikanna á Íslandi 2015, auk venjulegra verkefna.

Ársþing BLÍ var haldið í maí 2015 og ný stjórn tók til starfa síðar í þeim mánuði. Starfsárið var mjög stórt enda langt á milli þinga. Alls voru 17 stjórnarfundir bókaðir á starfsárinu en tvær alþjóðlega keppnir voru haldnar á Íslandi þetta starfsár, Smáþjóðaleikar í júní 2015 og riðill í EM Smáþjóða karla í júní